O Parque Provincial de Boiro interveu na parroquia de Taragoña, no concello de Rianxo, tras recibir aviso pola intoxicación de dúas persoas por monóxido de carbono procedente dun xerador eléctrico. As persoas afectadas foron evacuadas e trasladadas en ambulancia ao Hospital Clínico de Santiago. No operativo tamén participaron o 061 e a Policía Local. Segundo informou o Parque, o fume puido ter a súa orixe nun xerador eléctrico posto en marcha con motivo do apagamento e que era preciso para subministrar corrente a un respirador artificial. O monóxido xerado polo aparello non tivo maiores consecuencias durante o día, o problema veu dado cando houbo que pechar xanelas e portas e o gas estendeuse por toda a casa.
