O 2 de abril pasado, data na que Donald Trump presentou o seu plan de aranceis xeralizados, Forbes establecía o patrimonio neto do mandatario estadounidense en 4.700 millóns de dólares.
Unha semana despois e como consecuencia da guerra comercial declarada a máis de medio mundo, ese patrimonio baixou a 4.200 millóns de dólares, baixada que evidencia que Trump xa non ten quen lle bique o cú, se é que algunha vez houbo quen o fixo (coma o propio Trump afirmara).
Pero o réxime arancelario de Trump non só afecta negativamente a este: desde Tesla ata SpaceX e xAI, o extenso imperio empresarial global de Elon Musk tamén se ve afectado e non para ben.
O caos vivido nos mercados financeiros mundiais que levou a barallar a posibilidade dunha recesión global e a posterior suspensión de aranceis de Trump, chegou a producir beneficios multimillonarios aos empresarios chineses da roupa e a electrónica. Unhas ganancias rexistradas cando o presidente americano amosou a súa disposición a negociar con socios comerciais que non tomaran represalias cos seus propios aranceis e que foi o motivo polo que os mercados estadounidenses rexistraron unha repentina suba e un jncremento do optimismo dos inversores noutros mercados asiáticos (Xapón e Corea do Sur, nomeadamente).
Tamén subiron as accións chinesas, malia o aumento de aranceis de ata un 125% decretado por Trump.
Pola súa banda, a Confederación Española de Pesca (CEPESCA) formulou a aplicación de medidas urxentes que permitan contrarrestar o impacto dos aranceis de USA á volta de tres meses. Unha resposta firme, coordinada e estrutural que protexa a viabilidade das exportacións e o emprego.
A pregunta, agora, é se hai algún mandatario que “lle bique o cú” após obrigalo a reconducir os seus plans arancelarios.
