A veciñanza de Basoñas, San Pedro de Muro, está a recuperar unha festa que se facía antigamente na aldea, o Lume ao Pan. A celebración consiste nunha xuntanza veciñal para ir poñer os maios ás leiras que estaban sementadas e despois xuntábanse todos no Alto da Agra para festexar. Dende a veciñanza sinalan que se trata dunha cita participativa e aberta, e que quen queira ter parte activa na mesma só terá que aportar algo para picar (doce ou salgado) para compartilo. A celebración será este 30 de abril no alto da Agra, na aldea de Basoñas e comezará ás 18.00 coa colocación dos ramos, proseguindo ás 19.30 con foliada e xogos populares. Ás 22.00 horas haberá concerto con Amores de Barra.
