Todo o litoral de Galicia estará este luns en alerta amarela por temporal costeiro debido ao paso dunha borrasca que deixará vento forte do noroeste, segundo informa MeteoGalicia.
O aviso comezará ás 18:00 horas e prolongarase ata as 21:00 horas, agás na zona da Mariña Lucense, onde o fenómeno costeiro adverso se iniciará ás 21:00 horas e rematará á medianoite.
Ademais, a Agencia Estatal de Meteorología (AEMET) mantén activada a alerta por choivas intensas no suroeste e oeste da provincia da Coruña ao longo da mesma xornada.
Espérase así un luns de ceos parcialmente cubertos, con precipitacións dispersas que poderán rexistrarse en calquera punto da comunidade. A cota de neve irá descendendo co avance da tarde, situándose arredor dos 1.200 metros durante a noite.
En canto ás temperaturas, as mínimas manteranse sen cambios, mentres que as máximas experimentarán un descenso.
