Durante a madrugada do venres 18 ao sábado 19 de abril, rexistrouse en Ribeira un accidente de circulación entre dous vehículos na avenida do Ferrol. Segundo confirmaron os axentes da Policía Local de Ribeira, un dos vehículos emprendeu a fuxida, sendo localizado polos axentes quilómetro e medio despois do lugar onde se produciu o sinistro. O seu condutor presentaba indicios de atoparse baixo a influencia do alcol, polo que foi requirido para realizar as probas de detección regulamentarias, negándose de forma reiterada. Os axentes procederon entón á súa detención como suposto autor dun delito contra a seguridade viaria, tipificado no artigo 383 do vixente Código Penal, instruíndo dilixencias ao Xulgado de Garda.
