Este xoves 3 de abril, o conselleiro do Mar, Alfonso Villares, trasladou ao alcalde de Rianxo, Julián Bustelo, a vontade do Goberno galego para apoiar novamente o desenvolvemento da Festa da Xouba que se desenvolve na vila rianxeira no mes de xullo.
Vilares sinalou que “este evento é unha auténtica exaltación deste peixe que conta co selo de calidade propio dende 2023 -Xouba de Rianxo, Pesca Artesanal, Arte do Xeito-, e que vai na liña das accións impulsadas pola Xunta de promoción do consumo dos produtos pesqueiros, unha cita que atrae a numero público e que este ano cumpre a súa trixésima edición”.
Lembrou tamén que a xouba é un dos peixes azuis máis emblemáticos do verán galego e doutros moitos puntos de España, sendo as do xeito exclusivas das Rías Baixas e que “en Galicia hai máis de 400 pesqueiros de artes menores autorizados a faenar con este sistema”.
En 2024, as lonxas galegas poxaron máis de 14 millóns de quilos de sardiñas e xoubas que xeraron en primeira venda máis de 16 millóns de euros.
