A Dirección Xeral de Tráfico (DXT) comezará este luns, día 7 de abril, unha campaña de vixilancia e control de velocidade que se estenderá ata o domingo 13. O obxectivo desta iniciativa é reducir a velocidade media nas estradas convencionais e vías urbanas, fomentando unha condución máis segura.
Segundo informou a Delegación do Goberno, a campaña será coordinada polas xefaturas provinciais de Tráfico e contará con diversas medidas, como a sinalización previa dos controis mediante paneis variables e pantallas alfanuméricas de vehículos da Agrupación de Tráfico. Ademais, as policías locais colaborarán para asegurar o cumprimento das normativas de velocidade.
No ano 2024, 39.168 condutores perderon en Galicia un total de 95.388 puntos do permiso de condución por cometer 40.588 infraccións graves de exceso de velocidade. Destas, 1.267 foron sancións que implicaron a perda de seis puntos, clasificadas como as máis graves.
