Este sábado 12 de abril ás 16:30h poñerase en marcha a proba de Rianxo, que percorrerá 89 quilómetros. Os ciclistas darán un primeiro xiro cara a Boiro con regreso a Rianxo, para afrontar na parte final a dureza co Alto de Bexo (km 56’8) e Cruz de Abelán (km 77’5) a apenas 10 quilómetros de meta. Disputaranse dous Metas Volantes, a primeira no quilómetro 27 ao paso por Boiro, e a segunda no km 60’4 ao paso por Distribuinosa.
Percorrido etapa 1 Rianxo
O domingo 13 de abril en horario matutino, ás 10:30h poñerase en marcha a proba de Ribeira que decidirá a xeral con 89’6km de percorrido. Os ciclistas afrontarán dúas voltas a un percorrido co Alto de Moldes (km 30’3 e 74) antes de chegar a Pobra, onde se disputa métaa Volante na Praia de Cabio (km 37’5 e 81’4) para regresar de novo cara a Ribeira.
Percorrido etapa 2 Ribeira
Participantes Challenge Volta O Barbanza 2025
Estarán na liña de saída desta Challenge Volta O Barbanza «A Orixe», 16 equipos nacionais e 2 internacionais: Recambios Callejo e o Maguisa Guijuelo desde Castela e León; Sidra Menéndez e MMR Academy desde Asturias; Tenerife BikePoint, o castellanomanchego Ciudad de Talavera, os estremeños de Electromercantil GR100, o Gravatas Pindal cántabro, #De la Uz, Paredes Reconco, así como os galegos Cortizo, Club Ciclista Teis, Club Ciclista Carballo, Cambre, Lucus Augusti e Picusa. A eles súmanselle os portugueses Landeiro e Tensai.
Cobertura Challenge Volta O Barbanza 2025
A primeira xornada en Rianxo terá horario vespertino, con saída ás 16:30h e a chegada prevista ao redor das 18:15h.
Para a segunda xornada en Ribeira, os ciclistas tomarán a saída ás 10:30h e antes da 13h concluiría a proba coa cerimonia protocolaria de entrega de premios.
En redes sociais poderase seguir toda a información cos hashtag #Barbanzarousa e #ChallengeBarbanzaAOrixe. A través da conta de Facebook do Club Ciclista Barbanza, compartiranse vídeos e información sobre a competición, en directo.
