O BNG de Boiro, dentro do proceso asembleario do Bloque Nacionalista Galego, vén de elixir por unanimidade, a Xoán Carlos Somoza Viturro, responsábel local da organización, en substitución de Alberto García, procedendo, deste xeito, a renovar a súa responsabilidade orgánica.
Militante activo e con participación en diversos movementos asociativos e culturais, acepta o cargo coa firme intención de traballar para lograr un BNG máis forte, buscando a implicación activa de militancia de cara a consolidar un proxecto político máis necesario que nunca para Boiro.
“Asumo esta responsabilidade con ilusión e coa vontade de fortalecer o proxecto do BNG en Boiro, apostando pola participación activa da militancia e a veciñanza”, declarou Somoza Viturro tras a súa elección.
Xunto coa referida elección, a Asemblea Local vén de establecer as liñas básicas de traballo político para os vindeiros anos, así como a periodicidade das súas reunións, que, de forma ordinaria, se celebrarán todos os luns ás 20,30 horas.
