Unha muller de 89 anos perdeu a vida nun accidente de circulación que tivo lugar no quilómetro 2 da vía rápida VG-4.2, en Ribadumia. Viaxaba de copiloto nun turismo, cuxo condutor, de 52 anos, tivo que ser excarcerado polos servizos de emerxencias con feridas de prognóstico grave. Algunhas fontes apuntan a que se trata do fillo da muller falecida.
Os dous ocupantes do coche do falecido tiveron que ser excarcerados.
O 112 Galicia tivo constancia do suceso arredor das 15:30 horas, momento no que un particular non implicado informou dunha colisión entre dous turismos e un autobús no quilómetro 3 da VG-4.2, sobre unha ponte. Segundo o alertador había feridos e atrapados.
Con estes datos, Desde o CIAE 112 Galicia avisouse ao Servizo de Urxencias Sanitarias de Galicia-061, aos Bombeiros de Ribadumia e á Garda Civil de Tráfico.
Os servizos de emerxencia desprazados confirmaron que o copiloto dun dos coches perdera a vida tralo accidente. Tivo que ser excarcerado pola dotación de bombeiros, ao igual que o seu compañeiro, o condutor. Ademais, as urxencias sanitarias, que mobilizaron o helicóptero medicalizado con base en Santiago, indicaron que fora preciso trasladar ata a doce persoas a diferentes hospitais e centros de saúde, as tres do segundo coche ao ser feridos de carácter leve, e varias persoas do autobús por ataques de ansiedade.
