SEA e Concello de Ribeira buscan solucións ao parque empresarial

25 Marzo 2025

Beatriz Sestayo, xerente da entidade Solo Empresarial do Atlántico, recibiu esta mañá nas oficinas de SEA a Luís Pérez Barral, alcalde de Ribeira, e a María Herminia Pouso Maneiro, concelleira de Economía e Facenda. Na reunión participaron tamén integrantes do equipo técnico de SEA, José Rey, responsábel da área comercial, e o avogado Antonio Quintela. O encontro encadrouse no obxectivo común de facer viábel o novo polígono de Ribeira. No seu transcurso avanzouse na procura de solucións, que poderían dar resposta á alta demanda de solo empresarial na zona. Así o expuxo o alcalde, que entregou o proxecto de urbanización co fin de que o equipo de SEA, que xestiona na actualidade 13 parques empresariais en toda Galicia, poida estudalo polo miúdo.

Beatriz Sestayo comprometeuse a elaborar unha proposta que permita solucionar os problemas que arrastra o polígono: “Temos que esforzarnos en buscar respostas a este parque non só para atender a demanda empresarial senón tamén porque é unha forma de fixar poboación e outorgar un futuro mellor para Ribeira”.

Ambas as entidades coinciden na “urxencia” de dar saída a este proxecto polo que se comprometeron a reunirse de novo no transcurso do mes de abril.

O alcalde de Ribeira, Luís Pérez Barral, destacou a importancia de avanzar na viabilidade do novo polígono empresarial para responder á demanda de solo na zona. “Este proxecto é fundamental para o desenvolvemento económico de Ribeira e da Barbanza. A creación de solo industrial atraerá novas empresas e tamén contribuirá á xeración de emprego e axudará a fixar poboación en Ribeira”, afirmou.

Así mesmo, Pérez Barral agradeceu a disposición da entidade Solo Empresarial do Atlántico para estudar o proxecto e buscar solucións conxuntas.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.