O Concello de Ribeira presentou as actividades que vai a desenvolver polo Día Internacional da Muller. Á convocatoria asistiron a concelleira de Igualdade, Cruz Rivadulla, a concelleira de Cultura, Antía Alberte e Manoli Parente, responsábel do CIM de Ribeira. Rivadulla introduciu o acto desta maneira: “O ano 2025 é un ano crucial para a procura mundial da igualdade de xénero e o apoderamento das mulleres, xa que se cumpren 30 da Declaración y Plataforma de Acción de Beijing”. Engadiu que no ano 1995, 189 gobernos adoptaron a declaración desta plataforma durante a IV Conferencia Mundial sobre a Muller que se celebrou en China e que “dito documento é un plan de acción progresista e avalado para o avance dos dereitos das mulleres e nenas en todo o mundo, sentando as bases para as políticas, programas e investimento nas áreas claves coma a educación, a saúde, os medios e sobre todo a eliminación da violencia contra as mulleres”.
Rivadulla engadiu que a celebración deste día sirve para pedir a medios, gobernos e persoas que tomen medidas e que invistan nas promoción dos dereitos das mulleres e na igualdade de xénero.
Pola súa banda, Antía Alberte presentou unha das actividades programadas polo Concello: a exposición que se vai inaugurar este venres 7 ás 20.30 h no CC Lustres Rivas que leva como título II Mostra de Mulleres Creadoras de Ribeira 2025.
Para rematar a presentación, a responsábel do CIM de Ribeira, Manoli Parente, debullou o resto dos
actos que sen van a celebrar, entre os que se atopa unha conferencia programada para este xoves 6 de marzo, baixo o epígrafe Rachando o silencio imposto na Historia da Arte, coa relatora Carolina Casal Chico, investigadora independente da Rede de Estudos Medievais da USC e docente externa IV Ciclo USC Campus Terra.
Ademais, o propio sábado 8 de marzo levarase a cabo o acto de Homenaxe ás Mulleres de Ribeira Traballadoras no Servizo de Limpeza, cita que se celebrará na sala polivalente do Auditorio Municipal se será conducido pola actriz Atenea García, a partir das 12:00 h. Ao acto asistiran representantes deste colectivo no que tamén manifestarán as súas inquietudes e darán a coñecer as súas necesidades á tódolos asistentes.
O mércores 12 de marzo ás 11:00 h; para rematar os actos do 8M haberá unha representación teatral no Auditorio Municipal dirixida a escolares de 1o e 2o de Educación Primaria dos colexios de Ribeira. A obra leva o título de Daniel e Daniela, da compañía teatral Trémola.
