Ribeira convoca o Consello Sectorial de Pesca para o 14 de marzo

11 Marzo 2025

O Concello de Ribeira, a través da Concellería de Mar que dirixe Fernando Abraldes, convocou para este venres 14 de marzo, o Consello
Sectorial de Pesca. Os puntos a tratar na orde do día serán: a xestión de Portos mailo marisqueo.O Consello Sectorial de Pesca é un órgano colexiado onde está representado todo o sector do mar do municipio e a anterior convocatoria celebrouse o pasado 12 de xaneiro do 2024.

Fernando Abraldes e Luís Pérez Barral nunha xuntanza de traballo recente en Portos de Galicia

O concelleiro de Mar, Fernando Abraldes manifestou que “un punto moi importante a tratar será o dragado do porto de Ribeira e Aguiño polos
constantes episodios de embarcacións que se quedan en seco”. Tamén se porá o foco no alumeado dos portos “sobre todo o de Ribeira que leva cinco meses sen luz e igual neste senso os portos das parroquias de Corrubedo, Castiñeiras, Palmeira e Aguiño”.

Por outra banda, tamén resaltou o problema do marisqueo e da escaseza de produto, facendo fincapé nas medidas ou a folla de ruta da Xunta para paliar e mitigar a mortaldade das especies.

O alcalde, Luís Pérez Barral, detallou que “dende o Concello de Ribeira seguimos comprometidos co desenvolvemento do sector pesqueiro e
marisqueiro, motor de económico da cidade”. Engadiu que o Consello Sectorial de Pesca será “unha oportunidade para tratar cuestións importantes para os nosos portos e a actividade pesqueira, alén de falar do dragado dos portos de Ribeira e Aguiño, trataremos outros asuntos como a necesidade que a Consellería de Mar desenvolva actuacións de mantemento ou garantir a seguridade e a operatividade dos portos”.

Pérez Barral considera que é fundamental abordar o problema do marisqueo. “A situación que atravesa este sector require un estudo e definir un plan de acción claro co obxectivo de buscar solucións duradeiras e efectivas para paliar a redución da produtividade na ría”.

Outros artigos

Publicidade

Revista en papel

Opinión

“La gente”. Mario Clavell

“La gente”. Mario Clavell

En mis tertulias oigo generalizaciones tales ‘la gente escapa de Compostela’ o ‘la gente está hasta el gorro de Pedro Sánchez’ …  ¿Quién es la gente’?, ¿la sociedad?, ¿la nación?, ¿toda la nación?, ¿la colectividad, la humanidad? ‘La gente’ es demasiada gente y...

“Agresións, vexacións e torturas” – José Manuel Pena

“Agresións, vexacións e torturas” – José Manuel Pena

Desde Amnistía Internacional e algúns medios de comunicación están a denunciarse varios casos de agresións, vexacións e torturas, por parte dun grupo de militares españois, cara a algúns migrantes africanos chegados á cidade autónoma de Ceuta, algúns deles menores de...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.