O Concello de Rianxo e o Consorcio Galego de Servizos de Igualdade e Benestar formalizaron estes días un novo acordo de colaboración dirixido a impulsar e fortalecer o Programa Xantar na Casa, que, segundo confirmaron fontes do Consistorio, permitirá aumentar en cinco as persoas beneficiarias. O Concello contribúe este ano a este programa cunha achega de 21.000€, aproximadamente 10.000€ máis que no 2023, o que permitiu, informou o Goberno local, “incrementar en dez o número de persoas beneficiarias dende entón”. O programa é unha iniciativa da Consellería de Política Social e dos Concellos posto en marcha en 2008. A través del, repártense comidas preparadas a domicilio para anciáns ou persoas que se atopan en risco de exclusión social.
