O Concello de Rianxo conmemorará o Día Mundial do Autismo, o vindeiro 2 de abril, cunha “programación especial” orientada a reivindicar a necesidade de contribuír a mellorar a calidade de vida das persoas con trastorno do espectro do autismo (TEA) e promover a súa participación en todos os ámbitos da sociedade.
O día 6 de abril o municipio rianxeiro acollerá a II Andaina Solidaria da Asociación de Trastornos do Espectro Autista do Barbanza – BarbanTEA. Nos próximos días abriranse as inscricións.
Ademais, durante os días previos a esta andaina, levaranse a cabo diferentes actividades formativas e divulgativas orientadas aos clubs deportivos do municipio, entidades asociativas e ao conxunto da veciñanza.
