A Agrupación de Voluntarios de Protección Civil de Boiro vén de recibir da Consellería de Presidencia, Xustiza e Deportes un kit de ferramentas eléctricas para atención ás emerxencias. A entrega do material tivo lugar esta mañá nun acto realizado na AGASP no participou o alcalde, José Ramón Romero, e os membros da agrupación, Ignacio Pérez e Raquel Piñeiro.
O obxectivo da incorporación deste material é facilitar as tarefas do servizo de Protección Civil e emerxencias tales como a atención en accidentes ou emerxencias de calquera tipo, así como a colaboración e apoio en materia de seguridade en probas deportivas e outros eventos.
O servizo de Protección Civil e Emerxencias do Concello de Boiro conta na actualidade cunha vintena de voluntarios que atenden todo tipo de emerxencias producidas no termo municipal, así como colaboración en dispositivos de outros concellos para eventos e actividades deportivas ou culturais e incidencias solicitadas polo CIAE 112 ou as forzas e corpos de seguridade tales como incendios, accidentes de tráfico, procura de desaparecidos…
