O presidente de Portos de Galicia, José Antonio Álvarez, mantivo este martes 18 de marzo un encontro de traballo con responsábeis do Club Náutico de Rianxo para abordar o estado da tramitación da renovación da concesión portuaria que abrangue tanto a lámina de auga do porto deportivo como a localización do local social do club.
O responsábel da entidade pública tamén abordou coa entidade deportiva as necesidades actuais dos usuarios desta instalación portuaria. Esta xuntanza está enmarcada nos encontros periódicos que mantén Portos cos concesionarios dos espazos portuarios autonómicos co obxectivo de afondar na coordinación e xestión eficiente destas infraestruturas.
