O Concello de Porto do Son, a través da Área de Cultura, presentou os detalles do seu II Ciclo de Monólogos, que traen á vila algúns dos principais humoristas do panorama galego actual e actuacións todos os sábados do mes de abril, a partir das 21:00 h na Casa da Cultura de Porto do Son.
A programación é a seguinte:
-5 de abril | 21:00 h | Pepo Suevos con Á Caída 2025
–12 de abril | 21:00 h | Arantxa
-19 de abril | 21:00 h | Oswaldo Digón con Outra Movida
-26 de abril | 21:00 h | Evaristo Calvo con A Ver Que Pasa
As entradas, que terán un custe de 6 euros, estarán á venda desde mañá, martes 18 de marzo en:
Casa do Concello de Porto do Son (alcaldía) >> L/V · 8:30h a 15:00h
Casa da Cultura de Porto do Son >> L/V · 8:00h a 15:00h
Casa da Cultura de Miñortos >> L/V · 17:30h a 20:30h
Casa da Cultura de Portosín >> L/V · 8:00h a 13:00h + 17:00h a 19:30h
Casa da Cultura de San Pedro >> L/V · 16:00h a 20:00h
Ademais, haberá un bono pola compra das catro actuacións que terá un custo de 20 euros.
Tras o anuncio da programación, o alcalde, Luis Oujo, animou a toda a veciñanza “a que se achegue a gozar e a rir a gargalladas con esta segunda edición do ciclo de monólogos de Porto do Son, que seguro que volverá a contar cunha gran acollida”.
