Durante tres días, Padrón acolleu a visita de 400 persoas integrantes do programa Redondela viaxa, unha iniciativa promovida polo Concello de Redondela a través da Concellería de Maiores.
Os participantes tiveron a oportunidade de descubrir algúns dos lugares máis emblemáticos da vila mediante unha visita guiada polo técnico de turismo, Alberto Rey. Entre os enclaves destacados do percorrido atopáronse a Fundación Camilo José Cela, o Convento de Herbón xunto a outros espazos de interese histórico e cultural de Padrón.
O primeiro día da actividade contou ademais cun encontro institucional entre o alcalde de Padrón, Anxo Arca, coa alcaldesa de Redondela, Digna Rivas, e a concelleira de Maiores, Iria Vilaboa nunha mostra da boa colaboración intermunicipal entre ambas localidades.
O Concello de Padrón agradece a total dispoñibilidade da Fundación Cela e do Convento de Herbón, que brindaron unha acollida excepcional aos visitantes, así como a Alberto Rey pola súa profesionalidade e dedicación na guiada.
A iniciativa ten como obxectivo potenciar o turismo cultural e o intercambio entre comunidades, ofrecendo novas oportunidades de aprendizaxe e socialización para as persoas maiores.
