O Centro de Día de Porto do Son este sábado 8 de marzo un obradoiro creativo e reivindicativo de cestería tradicional coa colaboración da Comunidade de Montes de Baroña.
A través desta a actividade, as persoas participantes recordaron como facer cestos e outros útiles grazas á súa propia experiencia e a dos integrantes da Comunidade de Montes, poñendo en valor as súas lembranzas arredor dos traballos tradicionais. De feito, a entidade veciñal de Baroña leva anos reivindicando (a través de todo tipo de actividades, con persoas maiores pero tamén coa rapazada dos colexios) a elaboración ancestral de cestos e outros útiles con corres (varas feitas con pólas de vimbios).
“A idea desta actividade é a recuperación de oficios tradicionais que co paso do tempo van desaparecendo, xa que para nós é moi imporante que estes coñecementos sigan vivos e continúen transmitíndose”, explicaron, ao tempo que recordaron a importancia de estimular a memoria das persoas usuarias do Centro de Día con actividades creativas e participativas que as vinculen cos hábitos dos que elas mesmas formaron parte no pasado.
