Os bombeiros do Parque Provincial de Boiro foron alertados arredor das 16:50 horas deste 20 de marzo, pola caída dunha árbore sobre cabreado eléctrico en Reboredo, no concello de Boiro. Os bombeiros provinciais procederon a cortar en anacos a árbore, que podía provocar a caída do poste sobre a estrada. Posteriormente, encargáronse de recoller os restos da acacia e retiralos da estrada. Completaron o operativo os bombeiros do parque Provincial de Ribeira e a Garda Civil de Tráfico.
Canlón solto con risco de caída en As Mangas, no concello de Boiro
Ademais, os efectivos do Parque Provincial de Boiro foron alertados arredor das 18:40 horas da xornada deste xoves 20 de marzo dun canlón solto nun edificio na rúa As Mangas, en Cabo de Cruz, tamén no concello de Boiro, que presentaba risco de caída. Feita unha valoración inicial da situación, os bombeiros provinciais comprobaron que estaba suxeito de maneira moi débil xa que romperan as grampas metálicas que o suxeitaban. Por ese motivo, decidiron desprendelo e descendelo para unha maior seguridade.
No operativo participaron tamén os bombeiros do Parque Provincial de Ribeira.
