A xornada deste 20 de marzo, dende primeira hora da madrugada, pasará á historia recente da nosa meteoroloxía como unha das que máis estragos rexistrou no Barbanza provocados polo mal tempo, concretamente por mor do paso da borrasca Martinho. Houbo incidencias en todos os concellos, e ademais que das que fomos reflectindo neste medio ao longo de todo o día, súmanse as que imos citar a continuación.
Chapas na ponte interprovincial en Isorna (Rianxo)
Os bombeiros do Parque Provincial de Boiro foron alertados arredor das 9:30 horas da mañá de hoxe, 20 de marzo, por unhas chapas soltas na ponte interprovincial en Isorna, no concello de Rianxo, que supoñían un risco para a circulación e para os peóns. Feita unha valoración inicial da situación, os bombeiros provinciais encargáronse de suxeitar correctamente as chapas para evitar o perigo. Completou o operativo a Garda Civil de Padrón.
Colisión entre dous vehículos cunha persoa ferida na AG-11, no punto quilométrico 13.5, no concello de Rianxo
Os bombeiros do Parque Provincial de Boiro participaron esta mañá, arredor das 10:30 horas, nun accidente entre dous vehículos na AG-11, no punto quilométrico 13.5, no concello de Rianxo. Os bombeiros provinciais colaboraron co persoal do 061, que fixo o traslado do condutor dun dos vehículos implicados ao Centro Sanitario A Rosaleda de Santiago de Compostela. No operativo participou tamén a Garda Civil de Tráfico.
Retirada de revestimento metálico do Centro de Saúde de Ribeira, no concello de Ribeira
Os bombeiros do parque Provincial de Ribeira participaron este mediodía na retirada do revestimento metálico do Centro de Saúde de Ribeira.
Pouco despois, os bombeiros provinciais dirixíronse a asegurar varias pranchas do tellado metálico a Lonxa Vella de Ribeira.
