Máis de seiscentas persoas participaron no Festival de Entroido do Concello de Lousame, que tivo lugar na tarde deste domingo 3 de marzo no Polideportivo Municipal Pilar Barreiro Senra, entre as 17:00 e as 20:00 horas.
A rapazada asistente puido desfrutar con distintos xogos e inchábeis. así como da degustación gratuíta de filloas, elaboradas por un grupo de veciñas de Lousame, e chocolate con churros, da man de Churrería Rafa.
Ademais, o Concello de Lousame entregou lambonadas a todos os nenos e nenas que acudiron disfrazados da man dos concelleiros de Cultura, Silvia Agrafojo; Protección Civil, José Antonio Ces; e Deportes, Mariel Agrafojo.
Todos eles coincidiron en agradecer a colaboración do persoal municipal e do voluntariado local na celebración deste festival de Entroido.
