Mércores 19, baixo a influencia da borrasca Martinho, con ceos cubertos, chuvascos e ventos fortes

Galicia queda este mércores, San Xosé, baixo a influencia da borrasca Martinho, situada ao oeste de Lisboa, que traerá un réxime de ventos do sueste. Como consecuencia, agárdase unha xornada con ceos parcialmente cubertos e posibilidade de chuvascos, máis frecuentes na comarca e no sur da Comunidade.

As temperaturas mínimas experimentarán un lixeiro ascenso, mentres que as máximas se manterán sen cambios significativos. Pola súa banda, os ventos do sueste soprarán con intensidade, con refachos moi fortes especialmente durante a noite.

O xoves Galicia manterase na influencia da borrasca Martinho situada ao oeste de Fisterra, moi preto do noso litoral. Así, agárdanse ceos parcialmente cubertos con chuvascos máis frecuentes e intensos no sur e no oeste da Comunidade 

O noso mar: Vento do sueste, forza 6 a 7 á mañá, 5 a 6 á tarde e 6 a 8 á noite. Forte marusía á mañá e á tarde e media vaga á noite. Visibilidade boa á mañá e regular á tarde e á noite. Mar de fondo do sudoeste, con ondas de 3 a 4 metros á mañá, 3.5 a 4.5 metros á tarde e 4 a 5 metros á noite.

Cámaras web da comarca  (algunha pode nun funcionar puntualmente)

1. Coroso directo _ Santa Uxía de Ribeira
2. Praia de Balieiros directo- Corrubedo
3. Praia da Ladeira directo- Corrubedo
4. Praia das Furnas directo. Porto do Son
5. Praia Aguieira directo.Porto do Son
6. Portosín. Porto do Son
7. Sálvora. Santa Uxía de Ribeira
8. Pobra do Caramiñal directo. A Pobra
9. Centro Náutico do Freixo
10. Praia de Carnota
11. Praia de Corón Vilanova de Arousa
12. O Grove