Este sábado 22 de marzo volve a Rianxo a mellor música actual coa 2ª eliminatoria do Concurso de Bandas Emerxentes de Rock in Rian, da man de Exeria, Melodiam, Javier Waterproof e Vlaklyth. A cita será ás 20.00 horas no Campo de Arriba. O certame é unha antesala do Festival Rock In Rian que se celebra no remate do verán, coincidindo coas Festas da Guadalupe de Rianxo. O Concurso de Bandas Emerxentes veu este ano cun novo formato de concertos e sorpresas para os finalistas. A superación das eliminatorias dará á banda gañadora un pase para o Festival Rock in Rian.
Como dixemos, este sábado 22 terá lugar no Campo de Arriba a 2º eliminatoria do concurso, que contara coas seguintes bandas/ artistas:
-Exeria (Rock Alternativo)
-Javi Waterproof (Cantautor)
-Melodiam (Rap-Urbano)
-Vlaklyth (Post- metal)
Cada un no seu propio estilo e dispostos a defender o seu directo, buscan pasar a seguinte eliminatoria que está prevista para o vindeiro 10 de maio. En caso de choiva buscarase unha localización alternativa.
