O Concello de Boiro celebrou este xoves día 20 de marzo o pleno ordinario da Corporación correspondente ao mes de marzo. A sesión, que pode verse íntegra na canle de YouTube, saldouse con varios acordos de relevancia, como a aprobación dunha proposta para aumentar a oferta formativa en ciclos de Formación Profesional e máis na Escola Oficial de Idiomas de Boiro.
1. Aprobación da acta da sesión anterior (este punto non foi votado, quedou pendente para o seguinte pleno).
2. Solicitude do 01/02/2019 de dona Rita Paz Paz para a inclusión no inventario municipal de bens como vía pública dun terreo existente no lugar de San Roque, parroquia de Cespón – aprobación con 9 votos a favor (PSOE) e 8 abstencións (PP, BNG e Boiro Novo).
3. Solicitude do 28/12/2000 de don Francisco López Silva para dar de baixa no inventario municipal de bens a vía pública no lugar de Pedra da Bouza, parroquia de Abanqueiro – aprobación con 9 votos a favor (PSOE) e 8 abstencións (PP, BNG e Boiro Novo).
4. Aprobación definitiva da Ordenanza Fiscal nº6 reguladora da taxa urbanística – aprobación con 9 votos a favor (PSOE) e 8 votos en contra (PP, BNG e Boiro Novo).
5. Moción do grupo municipal Boiro Novo para aumentar a oferta formativa en ciclos de Formación Profesional e da Escola Oficial de Idiomas en Boiro – aprobación por unanimidade (17 votos a favor).
6. Moción presentada polo grupo municipal do Partido Popular relativa á convocatoria pola AGASP – rexeitado con 5 votos a favor (PP), 9 votos en contra (PSOE) e 3 abstencións (BNG e Boiro Novo).
7. Moción do grupo municipal do PSdeG-PSOE en relación co Plan Estatal de Condonación de débedas das CCAA – aprobación con 12 votos a favor (PSOE, BNG e Boiro Novo) e 5 votos en contra (PP).
8. Moción do grupo municipal do PSdeG-PSOE relativa ao canon da auga recadado por Augas de Galicia – aprobación con 12 votos a favor (PSOE, BNG e Boiro Novo) e 5 votos en contra (PP).
