CONGALSA, empresa da Pobra do Caramiñal referente na elaboración de solucións de alimentación, está presente estes días nun dos principais eventos do sector gastronómico en España: o Fórum Gastronómico de Xirona, que abriu as súas portas este luns 17 de marzo xuntando os máis destacados chefs, distribuidores e profesionais do sector para compartir tendencias e innovacións.
Este encontro, que marca o inicio da campaña, coincidindo coa reapertura de hoteis e o impulso da hostalería na zona mediterránea, serviu para que CONGALSA, xunto co seu distribuidor Congelats Salma, presente novos produtos.
Deste xeito, déronse a coñecer a novidades dentro da gama Ibercook, como as mini samosas ou o lirio (bacaladilla), produtos, en palabras de CONGALSA, “deseñados para achegar calidade e versatilidade á restauración”.
Con esta participación, a compañía reafirma o seu compromiso coa calidade e a innovación no ámbito do produto conxelado, posicionándose xunto aos principais actores do sector HORECA (siglas de Hoteis, Restauración e Cafeterías).
Para CONGALSA, ter presenza neste encontro supón un paso estratéxico para fortalecer a súa relación con clientes e distribuidores na zona este. “Participar en é evento permítenos achegarnos aos profesionais do sector nunha área moi turística, con moita demanda de produtos e presentar as nosas solucións innovadoras nun momento clave do ano para a hostalería”, destaca José Ramón Núñez, director comercial e de marketing de CONGALSA, cuxa presenza neste tipo de eventos contribúe a reforzar a súa posición como un actor clave na industria alimentaria, apostando pola constante mellora na elaboración de produtos conxelados adaptados ás necesidades do mercado. Deste xeito, continúa a súa estratexia de crecemento baseada na innovación, a sustentabilidade e o desenvolvemento de produtos que faciliten o labor dos profesionais da hostalería.
