A sala de exposicións do Auditorio Municipal de Rianxo acolle a partir deste venres 21 de marzo a mostra Escolma de traballos da III Aula Sociocultural de Gravado, que recolle os traballos das persoas participantes no obradoiro formativo impartido polo mestre gravador Pepe Míguez e co-organizado co Museo do Gravado de Artes (Ribeira) no marco do programa de Aulas Socioculturais e de Ocio Educativo do Concello de Rianxo.
Este curso, que se desenvolve en colaboración co Museo do Gravado á Estampa Dixital do Concello de Ribeira, pretende fomentar a arte gráfica introducindo as técnicas básicas do gravado (preparación de matrices, transferencia de imaxes, limpeza e entintado e impresión) en linogravado e augaforte.
A mostra poderá verse até o 19 de abril, co seguinte horario:
Luns: 10:00 – 14:00 // Martes a venres: 10:00 – 14:00 / 17:00 – 20:30 // Sábados: 17:00 – 20:30.
