Os bombeiros do Parque Provincial de Ribeira acudiron sobre as 20:00 h de onte, venres 21 de marzo, a un accidente de tráfico na AG-11 no que un vehículo envorcou e unha persoa resultou ferida leve.
A incidencia foi ocasionada por unha saída de vía e non foi precisa a liberación da persoa ocupante, a cal non presentaba lesións de gravidade, pero foi trasladada ao hospital.
Os bombeiros provinciais colaboraron no operativo na retirada do vehículo da calzada e na limpeza de vía.
Ao lugar do accidente se achegaron tamén os servizos médicos do 061 de Ribeira, Garda Civil, GAEM, así como persoal de mantemento da autovía.
