Encadrado nas celebracións do Día de Rosalía, do 18 ao 28 de febreiro o Concello da Pobra organizou o concurso As Sete Rosalías, unha actividade para os nenos e as nenas que deberon atopar en máis de trinta establecementos comerciais da Pobra do Caramiñal as “sete Rosalías diferenciadas”. A dinámica foi a habitual: as nenas e nenos deberon buscar as siluetas co rostro da poeta expostas nos escaparates dunha trintena de establecementos colaboradores no período comprendido entre o 18 e o 28 de febreiro.
Participaron nenos e nenas con idades comprendidas entre os 6 e 12 anos dos colexios Salustiano Rey Eiras (Bandaseca) e Pilar Maestú Sierra (Cadreche). O Concello da Pobra, a través da concelleira de Cultura, Patricia Lojo, e a técnica Fita Sanisidro, participaron esta semana no sorteo do xogo nos ditos centros educativos. En total sorteáronse 50 botellas; 20 en Cadreche e 30 en Bandaseca.
