A Concellaría do Turismo da Pobra do Caramiñal está mergullada na organización da vindeira convocatoria da Mostra da Camelia na Casa Mariñeira, da cal será a terceira edición. Celebrarase na fin de semana dos días 15 e 16 de marzo. A inauguración será no sábado, 15 de marzo, ás 12:00 h e a ela está previsto que asistan a concelleira do Turismo, Estefanía Ramos, e as persoas que colaborarán coa exposición da flor. A iniciativa vén da man dos expertos locais en cultivo da camelia Marisol e José Ramón, que atesouran unha ampla bagaxe en materia de plantación e exposición desta reputada flor dentro e fóra de Galicia. O obxectivo é mostrar a beleza e a riqueza de diversas especies que hai na contorna e para fomentar o interese sobre ela.
Dende a organización animan a que quen teña exemplares de camelia participe na exposición colaborativa.
