A Irmandade Cristo da Misericordia e o Concello de Boiro presentaron a súa axenda conxunta de actividades para esta Semana Santa 2025. Na cita cos medios de comunicación celebrada este 27 de marzo no Consistorio, participou a concelleira de Cultura, María Outeiral, xunto con Luís José López e outros membros da confraría, ademais do párroco de Boiro, Juan José Bermúdez.
O programa deste ano dará comezo o vindeiro sábado 5 de abril, Sábado de Lázaro, coa lectura do pregón por monseñor Francisco Javier Frojan Madero e imposición de medallas aos novos confrades ás 20.30 horas na Igrexa de Boiro. Os días 9 e 10 de abril ás 20.00h celebrarase o Triduo á Virxe das Dores e o 11 de abril festividade as Dores ás 20.30h con misa e procesión.
Para o domingo de ramos, 13 de abril, será ás 11.00 horas a convocatoria na Igrexa e ás 11.30 horas bendición e Ramos no Cruceiro de Bao, procesión e misa solemne. O mércores santo, 16 de abril, ás 22.30 horas terá lugar a procesión da Nosa Señora da Piedade.
Os días máis grandes da Semana Santa en Boiro son o Xoves Santo, coa celebración ás 20.30 horas da misa da cea de Cristo, Lavatorio, Hora Santa e, sobre as 22.00 horas, procesión del Ecce Homo e Virxe da Amargura; e o Venres Santo, cando se celebra ás 19.30 horas a Paixón de Cristo, ás 20.30 horas o desencravo e ás 21.30h a procesión do Santo Enterro.
A programación de actos continúa o sábado coa celebración da solemne vixilia pascual ás 21.00 horas e remata o domingo coa misa solemne de Pascua ás 12.00 horas.
A concelleira de Cultura, María Outeiral, agradeceu á Irmandade Cristo da Misericordia o esforzo que realizan durante todo o ano para sacar adiante “esta programación litúrxica e cultural para que a Semana Santa de Boiro sexa un referente na comarca e que atraia cada vez a máis veciños e visitantes”.
