O próximo día 29, o restaurante Baiuca de Artes acollerá unha nova edición da cea solidaria impulsada pola Real e Ilustre Confraría da Dorna e como en anos anteriores, o obxectivo do evento é recadar fondos que serán destinados a fins benéficos. O prazo de inscrición para participar na cea xa está aberto.
Por outra banda, os socios da entidade están convocados este venres a unha asemblea que se celebrará ás 20:00 horas na Casa do Mar. Na orde do día figuran dous asuntos de especial interese: a elección do deseño do suadoiro e a selección do artista encargado de elaborar o cartel do evento.
