Seguen as actividades participativas, divulgativas e ambientais do Laboratorio Ecosocial da Barbanza. Este sábado 29 de marzo a Casa Forestal de Baroña, en Porto do Son, celebra unha Xornada de Transformación da Madeira, tanto pola mañá como pola tarde, ofrecendo” oportunidades de ver en acción unha ampla variedade de maquinaria punteira do sector forestal”.
Axenda
10:00 a 12:00 h Primeiro pase: Demostración de maquinaria
Serradoiros portátiles de Logosol
Biotrituradora de ramas Amura
Motoserras Husqvarna
Tronzadora de leña Benza
Coordinada por distribuidoras oficiais: Timber Tools, Recambios Blanco e Agrícola Rodríguez.
12:00 a 13:30 h Faladoiro con profesionais do sector da madeira Do monte á industria
Moderada por Ovidio Queiruga, presidente da CMVMC de Baroña.
Con intervencións de:
– Francisco M. Romero González (Maderas Romero Cambeiro)
– Rodrigo Mosquera (TresOficios)
– José Manuel Silva Ferreira (Silva Forestal)
– Ramón Collazo Mosquera (Estaleiro Catoira de Rianxo e AGALCARI)
16:00 a 18:30 h Segundo pase: Demostración do uso de serradoiros portátiles
(Repetición do pase da mañá)
O evento está organizado pola Plataforma pola Defensa do Monte no marco do Laboratorio Ecosocial do Barbanza, en colaboración coa Comunidade de Montes de Baroña.
O Laboratorio está financiado con fondos europeos grazas ao apoio da Fundación Biodiversidad do Ministerio para la Transición Ecológica y el Reto Demográfico (MITECO), no marco do Plan de Recuperación, Transformación e Resiliencia (PRTR), financiado pola Unión Europea – NextGenerationEU. A coordinación do proxecto do Laboratorio está a cargo da Fundación RIA.
Para calquera dúbida podemos contactar co Laboratorio Ecosocial do Barbanza a través de info@barbanzaecosocial.org / prensa@fundacionria.org ou no 881 150 071.
