A Asociación Española Contra o Cancro de Ribeira presenta a súa Duodécima Gala-Cea

15 Marzo 2025

Manuel Ayaso, o colectivo Francisco Lorenzo e o cirurxián Salustiano Gonzaléz Vinagre serán galardoados na gala-cea do Cancro de Ribeira

A Asociación Española Contra o Cancro de Ribeira celebrou a presentación da súa Duodécima Gala-Cea, un acto que terá lugar o próximo sábado 12 de abril de 2025 no Restaurante Chicolino de Boiro. A comparecencia estivo encabezada polo tenente de alcalde de Ribeira, Vicente Mariño, e a presidenta da asociación, María José Carreira, acompañados por dous membros da entidade.

A gala comezará ás 20:30 h, seguida dunha cea ás 22:00 h. A presidenta Carreira explicou que a celebración terá lugar no Salón de Eventos Chicolino, un espazo que permite acoller ata 500 persoas, o único da comarca cun aforo tan grande. O prezo por comensal será de 50 euros, o que inclúe a cea e os donativos, así como os custos do transporte de ida e volta. As entradas estarán á venda na sede da Asociación Española Contra o Cancro en Ribeira (Rúa Estatuto, nº1), os luns, mércores e venres de 11:00 h a 13:00 h, e os mércores pola tarde de 17:30 h a 19:30 h.

Neste evento, que se consolida como un dos máis importantes na loita contra o cancro na comarca, entregaranse tres recoñecementos. O primeiro será a título póstumo ao artista Manuel Ayaso, en recoñecemento á súa implicación e compromiso co municipio de Ribeira e a súa veciñanza, destacando a súa colaboración con esta asociación dende os seus inicios en 1998. O segundo galardón, en forma de recoñecemento colectivo, irá para a Asociación Cultural Francisco Lorenzo de Aguiño, polo seu apoio constante aos colectivos máis desfavorecidos e á súa forte presenza na contorna. O terceiro recoñecemento será para o doutor Salustiano González Vinagre, en gratitude pola súa labor na investigación de enfermidades oncolóxicas e a súa contribución como o primeiro xerente do Hospital Comarcal do Barbanza.

María José Carreira rematou a súa intervención agradecendo o apoio constante da concellería de Servizos Sociais, encabezada polo tenente de alcalde Vicente Mariño, e, por extensión, ao propio Concello de Ribeira.

O acto finalizou coas palabras de Vicente Mariño de Bricio, quen tamén agradeceu o traballo da asociación e se mostrou sorprendido polos galardoados desta edición, destacando especialmente a relación de todos os premiados coa parroquia de Aguiño, a súa terra natal. Mariño subliñou a importancia de apoiar a investigación na loita contra o cancro, lembrando que, segundo os datos do Observatorio da Asociación Española Contra o Cancro, cada ano se diagnostican máis de 200.000 novos casos de cancro en España. O tenente de alcalde resaltou que, máis que palabras, o que se precisa son recursos para a investigación, algo no que a Asociación Española Contra o Cancro xoga un papel fundamental. Finalmente, puxo en valor a solidariedade da sociedade ribeirense, animando a todos a seguir traballando xuntos na loita contra esta enfermidade.

Este evento promete ser unha nova mostra da forza da comunidade ribeirense na súa loita contra o cancro, onde a solidariedade e o compromiso coa investigación serán os protagonistas.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.