Ribeira recibe a Bandeira Verde polo seu compromiso ambiental

09 Febreiro 2025

O acto central da visita foi o izamento da Bandeira Verde de Galicia na praia de Coroso, un distintivo que distingue aos concellos máis comprometidos coa sustentabilidade e o coidado da contorna

Durante a súa visita á zona, a Conselleira de Medio Ambiente, Territorio e Vivenda, Ángeles Vázquez, participou no acto de izado da Bandeira Verde de Galicia, concedida ao Concello de Ribeira na convocatoria de 2024 en recoñecemento ao seu labor na preservación do medio ambiente. O acto celebrouse na praia de Coroso e contou coa presenza do alcalde, Luís Pérez Barral, o segundo tenente de alcalde, Francisco Suárez Porta a lider do PP de Ribeira María Sampedro e a directora de Patrimonio Natural.

O alcalde de Ribeira destacou que este distintivo premia o esforzo colectivo da veciñanza e reafirma o compromiso do Concello cun futuro máis sostible. Entre as actuacións que levaron a este recoñecemento destacan a instalación de paneis solares en edificios municipais como o Auditorio, o complexo deportivo da Fieiteira e o Mercado Municipal, contribuíndo á redución do consumo enerxético e das emisións de CO2.
O alcalde de Ribeira, Luís Pérez Barral, asegura que “este é un recoñecemento ao esforzo colectivo da veciñanza e do compromiso do Concello por construír un futuro máis sostible. Continuaremos traballando en iniciativas que melloren a calidade de vida das persoas e protexan o noso patrimonio natural para as xeracións futuras.”

Ademais, no ámbito da biodiversidade, realizáronse labores de erradicación da herba da pampa en San Roque, unha especie invasora que ameaza os ecosistemas locais. No eido da xestión de residuos, Ribeira puxo en marcha a recollida separativa de biorresiduos e un programa de compostaxe doméstica, fomentando a economía circular e a redución de refugallos.

O Concello investiu preto de 500.000 euros en diferentes iniciativas medioambientais, consolidándose como un referente en boas prácticas ecolóxicas e sustentabilidade. Con esta Bandeira Verde, Ribeira reforza a súa posición como un exemplo de compromiso ambiental e de loita contra o cambio climático en Galicia.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.