No marco das celebracións do Día de Rosalía en Ribeira, que se estenden ao longo de toda a semana (non só o domingo 23F, data oficial do aniversario do poeta), o Auditorio Municipal de Santa Uxía acolleu na mañá deste 20 de febreiro o espectáculo Os cantares de Rosalía, a cargo de María Faltri.
O concerto e o recital na honra de Rosalía contou coa participación da rapazada dunha manchea de colexios: CEIP Heroínas de Sálvora, CPR Sagrado Corazón, CPR Milagrosa, CEIP Frións, CEIP Olveira, CEP Carreira, CEIP O Grupo, CPR Galaxia, CEIP Palmeira, CEIP de Artes e CPR Amicos.
A continuación damos conta do programa de actividades de Ribeira na honra da autora de Follas novas e Cantares gallegos.
Programación
Día de Rosalía de Castro en Ribeira 2025
-Pre-estrea. Axudádeme a cantar de Felisa Segade e Montse Rivera
(A partir de Agora que vén a noite de Marcos Calveiro)
Data: 18/02/2025, martes
Hora: 11.00 h
Lugar: Auditorio Municipal
Dirixida a público de ensino secundario.
-Acto de plantación da Figueira de Rosalía de Castro
Fundación Rosalía de Castro e Concello de Ribeira.
Coa participación do gaiteiro Alberto Millán
Data: 19/02/2025, mércores
Hora: 12.30 h
Lugar: Exterior da Casa da Xuventude (Avda. da Constitución)
-Día de Rosalía. Os cantares de Rosalía con María Faltri
Concerto e recital na honra de Rosalía
Data: 20/02/2025, xoves
Hora: 11.00 h
Lugar: Auditorio Municipal
Dirixida a público de ensino primario.
-Día de Rosalía na Biblioteca Municipal de Ribeira
Data: 21/02/2025, venres
Horario: de 9 a 14.00 h e de 16.00 a 21.00 h
Lugar: Biblioteca Municipal de Ribeira
As persoas usuarias da biblioteca poderán achegarse á obra de Rosalía e levarán un caravel para a súa honra e recordo.
-Rosalía Cantareira de Jara Ortiz
Obradoiro de pandeireta e espectáculo de narración oral para nenos e nenas
de 3 a 12 anos e as súas familias.
Data: 22/02/2025, sábado
Hora: 12.00 h
Lugar: Centro Cultural Lustres Rivas
-Caldo de Gloria. Día de Rosalía
Data: 23/02/2025, domingo
Os establecementos hostaleiros de Ribeira convidan a súa clientela ao Caldo de Gloria na honra de Rosalía. Cocoluche; Tagen Ata; Castelao; A Recoveira; Plaza; Pedra Pateira; D’Vicio; Central.
