O escritor Manuel Losada presentará este venres 28 de febreiro en Boiro a súa nova novela, El banco de Carmen. A cita será ás 19.00 horas no Pazo de Goiáns
Manuel Losada. que leva sete anos vivindo en Boiro, ambientou na súa terra de adopción o seu novo traballo literario, que nos narra a historia dunha rapaza que, logo dunha noite de festa, queda a durmir nun banco. Trátase, segundo consta na súa ficha editorial, “dunha historia de misterio e intriga con personaxes reais”.
Sinopse
Para Carmen, as noites de festa xunto aos seus amigos en Boiro (A Coruña) eran unha vía de escape ás presións da universidade, a familia e o futuro incerto. Con todo, unha decisión equivocada cambiará o seu destino para sempre. Tras unha noite de diversión e excesos, Carmen queda durmida nun banco mentres os seus amigos, sen sospeitar o perigo, deciden continuar a festa sen ela. Cando volven buscala, Carmen desapareceu. O que parecía unha simple imprudencia xuvenil convértese nun pesadelo que sacudirá a toda a comunidade. A medida que a investigación avanza, o inspector Francisco Alcalde descobre un armazón de segredos, mentiras e personaxes poderosos que farán o imposíbel por enterrar a verdade. Mentres os seus amigos loitan contra a culpa e o remorso, no aire flota unha pregunta imposible de ignorar: quen levou a Carmen aquela noite e por que?
