Este venres 28 de febreiro bota a andar o Entroido rianxeiro da man do Festival Rock in Rian. Haberá música e troula entroideira a partir das 20.00 horas. A cita inclúe a celebración da cuarta convocatoria do Concurso de Bandas Emerxentes (primeira eliminatoria). Actuarán Filloas, El Punto 159, The Twinpims e Churelos de Arousa. A partir das 23.30 horas será a quenda do bingo musical e ás 0.00 está programado o acto final do certame coa actuación de La Vava DJ e Curi. O Festival Rock in Rian do Entroido celebrarase na carpa habilitada na praza de Castelao.
O sábado 1 as actividades desenvolveranse ao longo de toda a xornada, en parte na carpa do Entroido da praza de Castelao. Ás 13.30 horas haberá na carpa unha sesión vermú con The Cuncas e ás 18.00 volverá a Festa do Entroido con xogos infantís e pola noite música a cargo de Tania Veiras e DJs. Organiza a Asociación Sociocultural A Moreniña.
As actividades do sábado tamén terán lugar no Centro Cultural A Capela do Araño, a partir das 17.00 horas, onde haberá concursos, música e filloas. Tamén se celebrará o Entroido no Centro Cultural Vicente Vidal de Leiro, con degustación de grelos e filloas, concursos de disfraces e música.
O domingo 2 de marzo o Entroido focalizarase na carpa da praza de Castelao, a partir das 16.30 horas. Haberá obradoiros e xogos diversos, desfiles e representacións das carrozas e grupos participantes no Certame de Disfraces, sorteos de agasallos entre as persoas disfrazadas e, para rematar, un espectáculo de rúa (Psychodelia) a cargo de Troula Animacion.
O luns 3 haberá inchábeis e xogos diversos na carpa da praza de Castelao, a partir das 16.30 horas.
O martes 4 a carpa dará acollida (a partir das 16.30h) a obradoiros entroideiros, animación, xogos, postos de degustación e un concerto a cargo de The Music Patrol, con posterior sesión de DJ.
O sábado 8 a actividade trasladarase ao Campo de Pasos, en Taragoña, a partir das 16.30 horas. A axenda inclúe inchábeis, obradoiros, xogos, desfiles, concurso de carrozas (premios aos tres mellores), unha gran verbena do Entroido, concursos, actuacións musicais e sesións DJ. Organiza a Asociación Cultural Campo Maneiro – Comisión de Festas de Taragoña.
