O Concello de Dodro abriu esta semana o prazo de inscrición para participar no Concurso de Disfraces do Entroido edición 2025, que se celebra o vindeiro 4 de marzo (Martes de Entroido) no Pavillón Municipal a partir das 17.00 horas. Haberá música, photocall, orellas doces e moitos disfraces e diversión.
A inscrición estará aberta desde este martes 25 ata o 3 de marzo ás 14:00 horas. Temos todas as bases no BOP do 18 de febreiro. Haberá tres categorías no concurso: individual, parellas e grupal, con mancheas de premios para a rapazada e tamén para os dous primeiros clasificados das modalidades parellas e grupal.
Organiza o Concello co apoio da Deputación da Coruña.
