O Concurso de Comparsas do Concello de Muros celebrarase o domingo 2 de marzo con novidades e 3.525 euros en premios
–O prazo de inscrición comeza este 19 de febreiro
O Concello de Muros organiza un ano máis o Concurso de Comparsas do Entroido, que terá lugar o domingo 2 de marzo.
Nesta edición, repartiranse 3.525 euros en premios entre as diferentes categorías establecidas, destacando dúas novas modalidades que se incorporan este ano:
carrozas e murgas.
A saída do desfile realizarase dende A Virxe do Camiño e percorrerá as rúas de Muros ata chegar ao Curro da Praza, onde terán lugar as actuacións, a valoración do xurado e a entrega de premios.
Categorías do concurso:
- Individual
- Grupos
- Comparsas
- Carrozas (novidade 2025)
- Murgas (novidade 2025)
Prazo de inscrición e a consulta das bases de participación:
As persoas, entidades e grupos interesados en participar poden inscribirse dende mañá, 19 de febreiro, ata as 14:00 h do 26 de febreiro.
Toda a información e os formularios de inscrición están dispoñibles na páxina web do Concello (www.muros.gal) e na sede electrónica (sede.muros.gal).
As bases reguladoras do concurso foron publicadas no Boletín Oficial da Provincia (BOP) de hoxe, 18 de febreiro, e poden consultarse no seguinte enlace:
https://bop.dacoruna.gal/bopportal/
Unha chamada á participación
A concelleira de Cultura, Caridad González, anima a toda a veciñanza a participar nesta cita imprescindible do Entroido muradán: “O Concurso de Comparsas é unha das festividades populares máis relevantes da comarca. Queremos que as rúas de Muros volvan encherse de música e alegría, e por iso convidamos a toda aveciñanza a sumarse a esta celebración, xa sexa desfilando ou gozando do espectáculo como público”.
