O Concello de Outes, co obxectivo de mellorar a seguridade nas estradas e o servizo de recollida de lixo perante os temporais como os que azoutaron a nosa terra os pasados días, procedeu nas últimas semanas a habilitar máis de trinta amarres metálicos de contedores espallados por diferentes puntos do concello.
O obxectivo, como dixemos, foi evitar os problemas que poden carrexar para condutores e viandantes os contedores envorcados polo vento e, tamén, impedir que haxa problemas de tipo ambiental na contorna dos puntos de recollida de residuos. O Concello de Outes explicou tamén que a brigada municipal deu prioridade ás zonas onde se desprazan os colectores con máis frecuencia en condicións de moito vento e temporais.
