O Concello de Muros rematou as obras para implantar a rede de saneamento municipal na contorna da Jardiña. Trátase, sinalou a alcaldesa, María Lago, “dunha demanda histórica da veciñanza da Jardiña, que levaba 30 anos pedindo está actuación”. Pola súa banda, a concelleira de Obras, Laura Rivadeneira, sinalou que “estes traballos incluíron tamén a renovación do firme, mellorando a seguridade viaria”.
Engadiron que o proxecto para A Jardiña é tamén importante desde un punto de vista medioambiental, “xa que está nova rede de saneamento instalada polo concello elimina tres puntos de vertidos ao mar”.
“Dixemos desde o comezo do mandato que o noso obxectivo era reforzar os servizos públicos e renovar as infraestruturas municipais, mellorando a vida da veciñanza con este tipo de obras por todo o concello”, remata a alcaldesa de Muros.
