Memoria Histórica do Barbanza anuncia a presentación do libro ilustrado “Diarios de Julio Silva” e un novo certame xunto coa Nova Escola Galega

04 Febreiro 2025

Este 4 de febreiro celebrouse en Ribeira a presentación de dúas accións que vai a levar a cabo a Comisión para a Recuperación da Memoria Histórica do Barbanza; por unha banda a presentación do libro ilustrado Diarios de Julio Silva e pola outra o I Certame de Memoria Histórica do Barbanza. Á convocatoria asistiron, a concelleira de Cultura, Antía Alberte, o presidente da Comisión pola Recuperación da Memoria Histórica do Barbanza, Carlos Cimadevila e o membro vocal da mesma, Xoán Hermida.

Antía Alberte introduciu o acto de presentación anunciando que o vindeiro sábado 8 de febreiro, ás 19:00 h, o Centro Cultural Lustres Rivas acollerá a presentación do libro ilustrado Diarios de Julio Silva, unha obra baseada nos escritos persoais de Julio Silva Vilas, sindicalista, xornalista e activista republicano ribeirán, asasinado en Santiago de Compostela o 29 de xaneiro de 1937 pola represión franquista.

A concelleira agradeceu á Comisión “polo seu traballo, poñendo en valor o coñecemento do noso pasado; son cousas que custan lembrar e dixerir pero é necesario porque ese pasado axúdanos a ter consciencia do noso presente e axúdanos a construír un futuro”.

Carlos Cimadevila falou do libro indicando que ofrece unha visión íntima do pensamento e da vida de Silva Vilas, quen foi secretario xeral da UGT en Ribeira, membro da Juventud Cultural Republicana e colaborador en xornais como La Lucha, RAIG e Ser. No seu diario, recuperado recentemente pola Comisión pola Recuperación da Memoria Histórica de Barbanza (CRMHB), reflíctense as súas ideas, as súas esperanzas e o medo crecente ante a persecución política que finalmente lle custou a vida.

Julio Silva foi detido tras o golpe de Estado de xullo de 1936 e xulgado en decembro dese ano en Santiago xunto con outros compañeiros e condenado a pena de morte. Os seus escritos, agora recompilados neste libro-álbum, permiten reconstruír non só a súa historia persoal, senón tamén o, contexto político e social da época.

Baseado nas memorias que escribiu no cárcere e que foron redactadas por José Antonio Pérez Fernández, este álbum ilustrado rescata a historia de Julio Silva, un barbeiro “cuxa vida simboliza a loita pola liberdade e a resistencia fronte á barbarie da Guerra Civil”, explicou Cimadevila, quen finalizou agradecendo o apoio do Concello de Ribeira e o Concello de Rianxo xunto cos ilustradores: José Antonio Pérez, Pura Villar e a Mónica Paula Montero.

Para rematar Xoán Hermida informou dos detalles do I Certame de Memoria Histórica do Barbanza “que ten como obxectivo de recoñecer, promover, premiar e difundir publicamente materiais sobre a memoria histórica que, polo seu valor e interese, contribúan ao desenvolvemento educativo de Galicia”. O certame, que está organizado conxuntamente ca Nova Escola Galega, busca favorecer a innovación, a calidade na educación e a renovación pedagóxica, ao tempo que promove os valores democráticos e a dignidade inviolábel da persoa.

Os materiais didácticos presentados deberán estar dirixidos aos diferentes niveis de ensino e tratar calquera tema relacionado coa Memoria Histórica e a Memoria Democrática, que cumpra abordar no desenvolvemento do currículo educativo. Poderán presentarse traballos orientados a educación infantil, primaria ou secundaria (ESO, Bacharelato,FP).

As bases colgaranse na web do Concello (www.ribeira.gal) máis nas redes sociais de MHB.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.