Manuel Losada presentará o vindeiro 28 de febreiro ás 19.00 horas no Pazo de Goiáns a súa nova novela, El banco de Carmen. O autor, xunto coa concelleira de Cultura, María Outeiral, adiantou na Casa do Concello, este 21 de febreiro, a orixe do libro:
Manuel Losada leva sete anos vivindo en Boiro e por iso decidiu ambientar aquí esta historia “en agradecemento a Boiro e á xente de Boiro”. O libro narra a historia dunha rapaza que, logo dunha noite de festa, queda a durmir nun banco. Unha historia de misterio e intriga con personaxes reais.
A concelleira de Cultura, María Outeiral, afirmou que “para o Concello de Boiro é un orgullo acompañar a Manuel na presentación deste libro que está ambientado no noso municipio e conta con personaxes reais e que imos poder identificar”
