O Concello de Outes informou de que xa está en funcionamento a nova iluminación do Campo de Fútbol do Conchido, actuación que foi obxecto dun investimento de 51.004 euros.
Esta iniciativa engádese á renovación das luminarias do Pavillón Municipal, traballos que implicaron un investimento de 21.990 €.
Ambas as actuacións foron financiadas co POS+2023 da Deputación da Coruña.
O obxectivo non foi só optimizar o alumeado e a visibilidade nas ditas instalacións deportivas en horas de escasa luz natural, senón tamén avanzar en sustentabilidade con aparellos de iluminación máis eficientes que requiren menos gasto por parte do Concello.
Por certo que o Campo de Fútbol tamén será obxecto de novas melloras no verán, cando se renove o céspede artificial, aproveitando a interrupción temporal das diferentes ligas.
