No marco das actividades do 8M (Día Internacional da Muller) e ao abeiro da axenda do Pacto do Estado contra a Violencia de Xénero, o Concello de Rianxo e a empresa galega eSports Lua Gaming organizan unha mesa redonda co alumnado do IES Félix Muriel coa finalidade de falar sobre a muller na nova industria dixital.
No acto, aberto á participación de calquera persoa interesada, as relatoras falarán sobre como afecta ás súas vidas profesionais o feito de seren mulleres nun eido tan específico como o do entretemento dixital, as redes sociais, o gaming e a industria dos videoxogos.
A cita será o xoves 6 de marzo, ás 10.15 h, no Auditorio de Rianxo. Intervirán Concepción González, directora de Desenvolvemento na empresa de creación de videoxogos Electronic Arts; Paula Quintela, creadora de contido e xogadora de, entre outros, Valorant; Raquel PerryMCQueen, creadora de contido e social media na Liga de Videoxogos Profesional; e Lucía Otero Serramito, alumna do IES Félix Muriel de Rianxo e integrante do grupo de Igualdade. Este acto está aberto á asistencia do público xeral.
