Este luns 17 de febreiro comezou no Centro de Recursos da Asociación Ambar das Persoas con Diversidade Funcional a formación de Cociña e Pastelería dirixida a persoas con diversidade funcional.
Na presentación do curso estiveron presentes Milagros Rey, presidenta de Ambar; Helena Teira, coordinadora xeral da Asociación Ambar e Alicia Romero, secretaria de Ambar; que se encargaron de dar a benvida ó novo alumnado que inaugura a primeira formación de Ambar este ano. Nesta primeira semana de formación traballarán co módulo de habilidades prelaborais e transversais, e en canto rematen esta primeira parte da fase teórica, comezarán a formarse nas cociñas dos Concello de Porto do Son e Ribeira.
A través da formación tamén se ofrece a posibilidade de realizar cursos de PRL (Prevención de Riscos Laborais) e Manipulación de alimentos.
Esta formación é posíbel grazas ao co-financiamento da Fundación ONCE e o Fondo Social Europeo (FSE) dentro da Convocatoria de Axudas Económicas para a Selección de Operacións para o Reforzo da Empregabilidade para Persoas con Discapacidade (Uno a Uno) – Ano 2024-2025 e desenvolverase no marco do Programa de Inclusión Social, Garantía Infantil e Loita contra a Pobreza FSE+ 2021-2027 (Programa FSE+ de Inclusión) do Fondo Social Europeo.
