No marco das celebracións do Día de Rosalía, este venres 28 de febreiro vaise presentar na Pobra do Caramiñal, no auditorio da Biblioteca Municipal Victoriano García Martí, o audiolibro A Landra Viaxeira e o Amigo Lambón, dos músicos ribeiráns Suso Bello e Sabela Olivares, con ilustracións de David Cuence. A cita, programada para as 20.00 horas, contará cunha lectura poética pública e unha homenaxe musicada á figura de Rosalía, da que se celebrou este pasado domingo o seu 188 aniversario.
A presentación vén da man da Asociación Cultural Barbantia, La Voz de Galicia, A Companhía do Ruído Editorial e o Concello da Pobra.
Intervirán no acto Xabier L. Marqués, poeta; María Xesús Blanco, presidenta da Asociación Cultural Barbantia; e de Patricia Lojo, concelleira de Cultura da Pobra do Caramiñal.
Ademais do devandito, presentarase o número 202 do suplemento cultural A Voz de Barbantia.
