O 8 de marzo chega a Rianxo As Desterradas da Compañía Excéntricas. Trátase dunha obra dirixida polo ribeirán Quico Cadaval e escrita por Carmen Varela, cun elenco de luxo con Belén Constenla, Melania Cruz e Rocío González. As entradas están á venda na plataforma Woutick.
Sinopse
No século XVI, unha pequena comunidade de monxas á beira do Miño vese ameazada pola cobiza da xerarquía eclesiástica. Os señores da Igrexa, para rematar coa resistencia das freiras non dubidan en difamalas e ameazadas por todos os medios, dende o tribunal da Inquisición á violencia das mesnadas señoriais. Carme Varela reconstrúe nun thriller conventual aqueles tempos de resistencia das comunidades de mulleres autosuficientes e poderosas. A vida parece continuar coas súas rutinas de rezos, bordados e melindres, mais a negra sombra da ameaza exterior abátese sobre o convento de Albeos.
A heroica resistencia daquelas freiras chega agora encarnada nun elenco que conforman Melania Cruz, Patricia Vázquez, Rebeca Montero, Rocío González, María Costas e Víctor Mosqueira, iluminadas por Laura Iturralde e dirixidas por Quico Cadaval.
Autoría: Carme Varela
Dirección: Quico Cadaval
Elenco: María Costas, Melania Cruz, Rocío González, Rebeca Montero, Patricia Vázquez e Víctor Mosqueira.
Espazo escénico: Laura Iturralde e Quico Cadaval
Espazo lumínico: Laura Iturralde
Deseño de vestiario: Celia Sineiro
Espazo sonoro: Piti Sanz
Vídeo: Sonia García
Axudante de dirección: Mon Serodio
Deseño gráfico: Javier de la Rosa
Fotografía: Sabela Eiriz
Xefe de produción: Rubén G. Pedrero
